حمد باری تعالیٰ ( بہت ہی بہترین انداز میں) - اسلامک گائیڈ آف لائف

 

مخلوق تری یارب توحید سے برگشتہ

گمراہ ہر  اک  لمحہ تعدید سے برگشتہ 

ذہنوں میں تراشا جو بت خانہ ء آذر ہے

لیکن ہے  براھیمی  تقلید  سے  برگشتہ

قہار تری وحدت کب عقل میں آتی ہے

نالاں ہے ہر اک نکتہ تصعید سےبرگشتہ

قانع بھی مقدر پہ ہم نفس ہوا کب ہے

ایمان خطا لیکن  تجدید  سے  برگشتہ 

کج علم کا یہ دعویٰ فاضل ہے زمانے کا

قرطاس پہ  خامہ ہے تسوید سےبرگشتہ

اللہ تری حکمت کب کون  سمجھتا  ہے

اک ذرہ ء خاکی ہے  تائید سے  برگشتہ

خالق تری صناعی سادہ بھی ہےپیچیدہ

تنقیص سے خالی ہے تنقید سے برگشتہ 

  

تیرا بھی قلم گوہرکج خط ہےنہ لکھ پائے 

الفاظ و معانی بھی  تمہید  سے برگشتہ

گوہررحمٰن گہر مردانوی

تعدید ۔شمار،آمادگی ۔تسوید۔۔روشنائی کا دھبہ۔خاکہ،نقشہ۔۔۔تصعید ۔فکروخیال کا تحلیلی عمل ۔بلند کرنا۔۔اوپر اٹھانا