مُلتان سلطان یا پھر لاہور قلندرز فائنل جیتنے والی ٹیم کو کتنی انعامی رقم دی جائے گی - اسلامک گائیڈ آف لائف

پاکستان سپر لیگ7 کے فائنل میں جیتنے والی ٹیم صرف ٹرافی ہی نہیں بلکہ 8 کروڑ روپے ملیں گے جبکہ ہارنے والی ٹیم کے حصے میںبھی 3کروڑ سے زائد کی رقم آئے گی ۔نجی ٹی وی ایکسپریس نیوز کے مطابق پاکستان سپر لیگ کا فائنل ہارنے والی ٹیم کے حصے میں 3 کروڑ 20 لاکھ روپے آئیں گے جبکہ پلیئر اف دی ٹورنامنٹ کے 30 لاکھ روپے کا چیک دیا جائے گا۔

پی ایس ایل کے ساتویں ایڈیشن میں بہترین بیٹر اور سب سے زیادہ وکٹیں لینے والا بولر، بہترین فیلڈر، کیپر، ایمرجنگ، آل راؤنڈر اور امپائر آف دیلیگ کو بھی 35،35 لاکھ روپے کے چیک پیش کیے جائیں گے۔پاکستان کرکٹ بورڈ کی جانب سے اسپرٹ آف کرکٹ ایوارڈ بھی دیا جائے گا جس کی مالیت بھی 35 لاکھ روپے ہوگی۔یاد رہے کہ گزشتہ سیزن میں ٹرافی جیتنے والی ٹیم کو ساڑھے 7 کروڑ روپے جبکہ ٹورنامنٹ آف دی پلئیر کو 30لاکھ، بہترین بلےباز، بہترین بولر، بہترین وکٹ کیپر اور بہترین فیلڈر کو 8،8 لاکھ روپے دیئے گئے تھے۔پاکستان سپر لیگ 7 کا فائنل کل ملتان سلطانز اور لاہور قلندرز کے درمیان کھیلا جائے گا۔ ایونٹ کا فائنل پاکستانی وقت کے مطابق شام 7:30 بجے قذافی اسٹیڈیم میں کھیلا جائے گا۔

Please Like, Subscribe, and Follow Me!

Youtube:     Islamic Guide of Life 

                    Islamic Media Voice 

                    Al-Sirat Voice

Facebook:  Islamic Guide of Life

                    Islamic Apps

 

Read More

سرکیاآپ نے کبھی عشق کیاہے؟ اینکرکے سوال پر محمد رضوان کا دلچسپ جواب - اسلامک گائیڈ آف لائف

 قومی ٹیم کے وکٹ کیپر بیٹسمین محمد رضوان کا شمار دنیا کے بہترین بلے بازوں میں کیا جاتا ہے لیکن کرکٹ کے میدان سے ہٹ کر بھی ان کی ذاتی زندگی سے متعلق کچھ دلچسپ چیزیں سوشل میڈیا پر سامنے آتی رہتی ہیں۔رضوان کی سوشل میڈیا انگیجمنٹ پر بات کی جائے تو اس بات کا اعتراف وہ خود کرچکے ہیں کہ انہیں سوشل میڈیا سے متعلق زیادہ آگہی نہیں، ان کے پاس واٹس ایپ کے علاوہ کوئی ایسا اکاؤنٹ نہیں جسے سے وہ خود دیکھتے ہوں

جب کہ ٹوئٹر اکاؤنٹ بھی ان کے بھائی چلاتےہیں اس کے علاوہ ان کا کوئی اپنا اکاؤنٹ نہیں۔ اب سوشل میڈیا پر رضوان کا ایک ویڈیو انٹرویو کا کلپ وائرل ہورہا ہے جس میں انہوں نے لو میرج سے متعلق انکشاف کیا۔انٹرویو میں میزبان نے رضوان سے سوال کیا کہ کیا کبھی انہیں عشق ہوا ؟اس کے جواب میں رضوان نے مسکراتے ہوئے اعتراف کیا کہ ان کی محبت کی شادی ہے۔دوسری جانب رضوان کی شادی اور اہلیہ سے متعلق تصاویر اب تک منظر عام پر نہیں آئیں ہیں تاہم سوشل میڈیا پر یہ اطلاعات زیرگردش ہیں کہ رضوان کی دو بیٹیاں ہیں۔علاوہ ازیں قومی کرکٹر محمد رضوان نے کہا کہ گورے جب ہم سے ہمارے دین کے بارے میں پوچھتے ہیں تو ان کو سکون ملتا ہے،ہمیں اپنے دین پر شرمانا نہیں چاہیے بلکہ

فخر کرنا چاہیے،پاکستان سپر لیگ میں ٹم ڈیوڈ اور ڈیوڈ ولی نے مجھ سے میرے دین کے بارے میں سوالات کیے،آسٹریلین فاسٹ بالر جوش ہیزل وڈ سب سے مشکل بالر ہیں۔ ویب سائٹ سے گفتگو کرتے ہوئے انہوں نے کہا کہ فاسٹ بالرز میں مجھے ہیزل وڈ مشکل لگے ہیں جبکہ کیریئر کے ابتدائی دور میں ڈومیسٹک کرکٹ میں اسپنر ذوالفقار بابر مشکل لگتے تھے، اس کے بعد بنگلہ دیشی اسپنر شکیب الحسن بھی مشکل لگے۔انہوں نے کہا کہ دنیا میں کوئی بھی قربانی کے بغیر نمبرون نہیں بن سکتا، ایسا نہیں ہو سکتا کہ میں انڈر16 سے براہ راست قومی ٹیم میں کھیل لوں، ایسی صورت میں مجھے درمیان کی مشکلات کا پتہ ہی نہیں ہو گا اور کل کو کوئی بچہ مجھ سے پوچھے گا تو میں اسے نہیں بتا سکوں گا۔

پاکستان سپر لیگ میں ملتان سلطانز کے کپتان نے مزید کہا کہ جب مجھ پر مشکلات آئیں گی تو مجھے تجربہ ملے گا اور اسی تجربے سے آدمی کامیاب انسان بنتا ہے البتہ سب سے اہم چیز یہ ہے کہ آپ کا یقین کتنا ہے۔ایک سوال کے جواب میں رضوان نے کہا کہ سب سے اہم بات یہ ہے کہ ہمیں اپنے دین پر شرمانا نہیں چاہیے اور نبی اکرمﷺ اور دین کے طریقوں پر فخر کرنا چاہیے کیونکہ گورے جب ہم سے اس بارے میں پوچھتے ہیں تو ان کو سکون ملتا ہے۔ انہوں نے کہا کہ ہم مسلمانوں کو گوروں کے سامنے نماز پڑھتے اور اذان دیتے ہوئے عجیب لگتا ہے کہ یہ لوگوں کے سامنے کیا کررہا ہے لیکن ان گوروں سے پوچھیں کہ جب ہم یہ کررہے ہوتے ہیں تو انہیں سکون مل رہا ہوتا ہے اور وہ ہم سے پوچھ رہے ہوتے ہیں۔

انہوں نے اس کی مثال دیتے ہوئے کہا کہ پاکستان سپر لیگ میں ٹم ڈیوڈ اور ڈیوڈ ولی نے مجھ سے دین کے بارے میں کئی سوالات کیے، یہاں تک کہ جو سجدے کی وجہ سے پیر پر نشان بن جاتا ہے تو اس بارے میں بھی ڈیوڈ ولی نے مجھ سے پوچھا کہ کیا یہ نماز کی وجہ سے بنا ہے، انہیں ہمارے دین سے لگا ؤہے لیکن ہمیں سب کے سامنے کرنے میں شرم آتی ہے۔ انہوں نے قوم کے نام پیغام میں کہا کہ آپ ہماری کرکٹ ٹیم کے بارے میں اچھی امید رکھیں اور اگر ہم بیٹنگ کررہے ہوں تو دل میں یہ ڈر نہیں لائیں کہ یہ آؤٹ ہو جائے گا، ہمارے بالر کے بارے میں بھی ایسا نہ سوچیں کیونکہ وہ بہت بہادر بالرز ہیں۔انہوں نے کہا کہ ہمارے تمام پاکستانی دنیا میں نمبر ایک بننے کی کوشش کریں، جب ہم سب مل کر نمبرایک کا سوچیں گے تو ہماری پاکستانی قوم نمبر ایک بن ہی جائے گی۔

Please Like, Subscribe, and Follow Me!

Youtube:     Islamic Guide of Life 

                    Islamic Media Voice 

                    Al-Sirat Voice

Facebook:  Islamic Guide of Life

                    Islamic Apps

 

Read More

شاہین شاہ آفریدی بھائیوں سے بڑھ کر ہیں محمد رضوان کا ٹوئٹر پر جاری بیان توجہ کا مرکز بن گیا - اسلامک گائیڈ آف لائف

 پاکستان سْپر لیگ کی ٹیم ملتان سلطانز کے کپتان محمد رضوان نے خود کو شاہین شاہ آفریدی کا رول ماڈل قرار دینے پر جواب دیا ہے کہ شاہین شاہ آفریدی بھائیوں سے بڑھ کر ہیں، دنیا کے بہترین باؤلر کے خلاف کھیل کر ہمیشہ مزہ آتا ہے۔

انہوں نے ٹوئٹر پر جاری بیان میں کہا کہ شاہین شاہ آفریدی بھائیوں سے بڑھ کر ہیں، دنیا کے بہترین باؤلر کے خلاف کھیل کر ہمیشہ مزہ آتا ہے۔ محمد رضوان نے نوجوان شاہین شاہ آفریدی کیلئے نیک خواہشات کا اظہار کرتے ہوئے کہا کہ آپ برسوں پاکستان کا نام روشن کرتے رہیں۔ (آمین)یاد رہے کہ پاکستان سْپر لیگ کی ٹیم لاہور قلندرز کے کپتان شاہین شاہ آفریدی نے محمد رضوان کے گلے لگانے کی وائرل ویڈیو پر تبصرہ کرتے ہوئے رضوان کو رول ماڈل قرار دیا تھا۔شاہین شاہ آفریدی کا کہنا تھا کہ میں محمد رضوان کی انتہائی عزت کرتا ہوں، محمد رضوان کے ساتھ ٹیم میں ہونا،

یا حریف کے طور پر ہونا ہمیشہ خوشی کی بات ہے۔

Please Like, Subscribe, and Follow Me!

Youtube:     Islamic Guide of Life 

                    Islamic Media Voice 

                    Al-Sirat Voice

Facebook:  Islamic Guide of Life

                    Islamic Apps

 

Read More

بڑے میچوں میں کچھ کر دیگا - اسلامک گائیڈ آف لائف

پاکستان کرکٹ ٹیم کے مینٹور اور سابق آسٹریلوی کرکٹر میتھیو ہیڈن کا کہنا ہے کہ بابر اعظم ایک اسپیشل پلیئر ہے، گِلکرسٹ کا بھی2007 ورلڈ کپ برا گزر رہا تھا لیکن پھر اس نے فائنل میں ٹیم کو فاتح بنا دیا، اس لیے حیران نہ ہوں جب بابر بھی بڑے میچوں میں کچھ کر دے۔

سڈنی میں پریس کانفرنس کرتے ہوئے میتھیو ہیڈن نے کہا کہ شاہین انجری کے بعد آیا اب وہ مومینٹم میں آ گیا، چار فاسٹ بولرز کا ایک خطرناک کمبی نیشن ہے جبکہ ٹاپ آرڈر نے کام نہیں کیا لیکن مڈل آرڈر نے اچھا کھیلا۔

انہوں نے کہا کہ محمد حارث کی کہانی ایسی ہے کہ سب سننا چاہتے ہیں، اس نے ہر نیٹ سیشن میں حصہ لیا اور فاسٹ بولرز کو اچھا کھیلا، اس ٹورنامنٹ میں سب کا اپ ڈاؤن ہو رہا ہے، بابر ہر میچ میں رن نہیں بنا سکتا، ایسا وقت سب پر آتا ہے، وہ بڑا پلیئر ہے، بڑے میچ میں اچھا کھیلے گا۔

میتھیو ہیڈن نے کہا کہ آسٹریلیا میں اگر کوئی گراؤنڈ برصغیر کی ٹیموں کو سوٹ کرتا ہے تو وہ سڈنی ہے جبکہ نیوزی لینڈ نے بھی اس گراؤنڈ پر آسٹریلیا کو ہرایا ہے اس لحاظ سے وہ خطرناک ٹیم ہے، کیویز کا بولنگ اٹیک خطرناک اور تجربہ کار ہے، ساؤتھی میرے ساتھ کھیلا ہے اس سے ان کے تجربے کا اندازہ لگائیں۔

ہیڈن کا کہنا تھا کہ پاکستان کی خاص بات جو مجھے بھاتی ہے وہ ان کی بڑے میچوں میں شاندار واپسی ہوتی ہے۔

واضح رہے کہ ٹی ٹوئنٹی ورلڈ کپ کے پہلے سیمی فائنل میں کل پاکستان اور نیوزی لینڈ کی ٹیمیں مدمقابل ہوں گے۔

Please Like, Subscribe, and Follow Me!

Youtube:     Islamic Guide of Life 

                    Islamic Media Voice 

                    Al-Sirat Voice

Facebook:  Daily Hadith Post

 

Read More

سیمی فائنل میچ سے پہلے نیوزلینڈ کے تیز گیند باز ٹم ساوتھی نے پاکستان کو لے کر دیا بڑا بیان، کہی یہ بات - اسلامک گائیڈ آف لائف

ٹی ٹوینٹی ورلڈ کپ کے سپر 12 مرحلہ کے مقابلے اتوار کو ختم ہونے کے بعد سیمی فائنل میں پہنچنے والی چار ٹیموں کے لئے اسٹیج تیار ہے ۔ پچھلے سال کی رنر اپ نیوزی لینڈ کا سامنا نو نومبر کو پاکستان سے ہوگا جبکہ ٹورنامنٹ کے مضبوط دعویدار انگلینڈ کو فارم میں چل رہی ہندوستانی ٹیم کے خلاف دس نومبر کو کڑا امتحان کا سامنا کرنا پڑے گا ۔

اس درمیان نیوزی لینڈ کے تیز گیند باز ٹم ساوتھی نے اعتراف کیا ہے کہ ٹیم سڈنی کرکٹ گراونڈ میں ہونے والے مقابلہ سے پہلے اپنے حریف کو ہلکے میں لینے کی غلطی نہیں کرے گی ۔

ٹورنامنٹ کی تاریخ میں ریکارڈ مرتبہ سیمی فائنل کھیلنے والی پاکستانی ٹیم اپنے دونوں ابتدائی میچ ہارنے کے بعد ٹی ٹوینٹی ورلڈ کپ سے جلد باہر ہونے کی کگار پر تھی، لیکن نیدرلینڈس اور جنوبی افریقہ کے خلاف لگاتار

جیتوں نے اس کی امیدوں کو زندہ رکھا اور پھر چھ نومبر کو نیدرلینڈس کی افریقہ کے خلاف جیت نے انہیں سیمی فائنل کیلئے ایک موقع دیا، جس کا پاکستانی ٹیم نے فائدہ اٹھالیا ۔ کیوی گیند باز نے کہا کہ ٹورنامنٹ کے ناک آوٹ مرحلہ میں پاکستان کو کمزور سمجھنے کی بھول نہیں کی جاسکتی ہے

اکستان کے خلاف نو نومبر کو ہونے والے سیمی فائنل سے پہلے انہوں نے کہا کہ جب آپ ٹاپ چار میں پہنچتے ہیں تو ہر ٹیم کے پاس موقع ہوتا ہے ۔ ہم نے حال کے دنوں میں پاکستان کے خلاف کافی کھیلا ہے اور ہم جانتے ہیں وہ ایک خطرناک ٹیم ہے ۔

ان کو پورا کریڈٹ جاتا ہے، وہ شاید یہ سوچ کر آئے کہ ان کے پاس زیادہ موقع نہیں ہے، لیکن انہوں نے ایک اچھی کارکردگی کا مظاہرہ کیا اور وہ سیمی فائنل میں ایک بڑا خطرہ ہوں گے ۔

یوزی لینڈ کے لگاتار دوسری مرتبہ فائنل میں پہنچنے کے امکان پر ساوتھی نے کہا کہ ٹیم ایک وقت میں ایک میچ پر دھیان مرکوز کررہی ہے اور فائنل میں جگہ بنانے کیلئے اس کو بہترین کھیل کا مظاہرہ کرنے کی ضرورت ہے ۔

تجربہ کار تیز گیند باز نے انکشاف کیا کہ وہ آنے والے میچوں کیلئے کچھ الگ کرنے کی کوشش نہیں کررہے ہیں اور سیمی فائنل میچ کو بھی وہ پچھلے میچوں کی طرح ہی لیں گے ۔

Please Like, Subscribe, and Follow Me!

Youtube:     Islamic Guide of Life 

                    Islamic Media Voice 

                    FunTimes

Facebook:  Daily Hadith Post

 

Read More

پاکستان ٹیم بہت خطرناک ہو چکی ہے بچ کے رہنا - اسلامک گائیڈ آف لائف

قومی ٹیم کے مینٹور میتھیو ہیڈن نے بنگلادیش سے فتح کے بعد شاہینوں کی حوصلہ افزائی کے لیے متاثر کن الفاظ کا استعمال کیا۔

سوشل میڈیا پر میتھیو کی کھلاڑیوں کے ہمراہ ایک ویڈیو وائرل ہورہی ہے جس میں انہیں کھلاڑیوں سے بات کرتے ہو ئے دیکھا جاسکتا ہے۔

میتھیو ہیڈن کا کہنا تھا کہ پاکستان ٹیم جب بھی ارادوں کے ساتھ میدان میں اترتی ہے مخالف کیلئے خطرہ بن جاتی ہے دنیا سمیت اس وقت اس ٹورنامنٹ میں کوئی بھی ایسی ٹیم نہیں ہے جو ہمیں فیس کرنا چاہتی ہو۔

 قومی ٹیم کی حوصلہ افزائی کرتے ہوئے  ہیڈن نے کہا کہ’ سمجھا جارہا تھاسب  نے ہم سے جان چھڑالی ہے لیکن وہ  سب ہم سے جان نہیں چھڑاسکے، ہم اب بھی ٹورنامنٹ میں موجود ہیں اور مجھے خوشی ہے کہ گزشتہ ورلڈکپ کے مقابلے ٹیم کی صورتحال مختلف ہے

کیوں کہ گزشتہ ورلڈکپ میں ہم سے توقعات بہت زیادہ تھیں اس بار ہم یہاں سب کو پیچھے چھوڑتے ہوئے پہنچے ہیں، اگر نیدرلینڈز یہ میچ نہ جیتتا تو آج ہم یہاں نہ ہوتے لیکن ہم یہاں ہیں جس کا مطلب ہے کہ کوئی ہمیں یہاں نہیں دیکھنا چاہتا تھا اور یہ چیز ہمیں فائدہ دے سکتی ہے‘۔

Please Like, Subscribe, and Follow Me!

Youtube:     Islamic Guide of Life 

                    Islamic Media Voice 

                    FunTimes

Facebook:  Daily Hadith Post

 

Read More

پاکستان سے سیمی فائنل سے قبل کیوی کپتان نے کیا کہا؟ - اسلامک گائیڈ آف لائف

نیوزی لینڈ کرکٹ ٹیم کے کپتان کین ولیمسن نے کہا ہے کہ پاکستان ایک مضبوط اور اچھی ٹیم ہے تاہم اس کی کامیابیاں ماضی کا حصہ ہیں۔

سڈنی میں پریس کانفرنس کرتے ہوئے کین ولیمسن نے کہا کہ ورلڈ کپ میں دونوں ٹیموں نے اچھی کرکٹ کھیلی ہے، ہمارے کھلاڑی کنڈیشن سے ہم آہنگ ہیں۔

کین ولیمسن نے کہا کہ ٹی ٹوئنٹی کرکٹ میں تیزی سے اتار چڑھاؤ آتے ہیں، فن ایلن کے لیے اہم ہوگا کہ وہ اپنا نیچرل گیم کھیلے۔

نیوزی لینڈ کے کپتان نے کہا کہ سیمی فائنل میں کون فیورٹ ہے، یہ کہنا مشکل ہے، پاکستان ٹیم اچھی سائیڈ ہے۔

انہوں نے کہا کہ آسٹریلیا کے میچ میں اچھی وکٹ تھی لیکن دوسرے میچ میں مختلف تھی۔

واضح رہے کہ ٹی ٹوئنٹی ورلڈ کپ کا پہلا سیمی فائنل کل پاکستان اور نیوزی لینڈ کے درمیان سڈنی میں کھیلا جائے گا جو کہ پاکستانی وقت کے مطابق دوپہر ایک بجے شروع ہوگا

ٹی ٹوئنٹی ورلڈ کپ کا دوسرا سیمی فائنل جمعرات کو بھارت اور انگلینڈ کے درمیان ایڈیلیڈ میں شیڈول ہے۔

Please Like, Subscribe, and Follow Me!

Youtube:     Islamic Guide of Life 

                    Islamic Media Voice 

                    FunTimes

Facebook:  Daily Hadith Post

 

Read More